50మందితో టి.ఆర్‌.ఎస్‌. తొలిజాబితా

హైదరాబాద్‌ః హైదరాబాద్‌ కార్పొరేషన్‌ ఎన్నికల్లో ఒంటరిగా బరిలోకి దిగిన టిఆర్‌ఎస్‌ శుక్రవారం నాడు 50 మందితో తొలిజాబితా ప్రకటించింది. మేయర్‌ అభ్యర్థిని ఇంకా ప్రకటించలేదు. మరోవైపు తెలంగాణా సాధనసమితి మేయర్‌ అభ్యర్థిని ప్రకటించింది. తెలంగాణా సాధన సమితి అభ్యర్థులను ప్రకటించిన స్థానాల్లో టిఆర్‌ఎస్‌ తన అభ్యర్థులను బరిలోకి దించకపోవడంతో ఈ రెండు పార్టీల మధ్య రహస్య అవగాహన వున్నదనే వాదనకు బలం చేకూరుతున్నది.

ఎంత జాగ్రత్తగా కార్పొరేటర్ల జాబితా రూపొందించినప్పటికీ టిఆర్‌ఎస్‌ కు కూడా నిరసనల బాధ తప్పలేదు. టిక్కెట్లు రాని అభ్యర్థులు ట్యాంక్‌ బండ్‌ సమీపంలోని జలదృశ్యంలోని టిఆర్‌ఎస్‌ కార్యాలయంలో నిరసన వ్యక్తం చేశారు. మరోవైపు మజ్లిస్‌ పార్టీ 30 మందితో రెండో జాబితాను శుక్రవారం ప్రకటించింది. శుక్రవారం రాత్రికి మేయర్‌ అభ్యర్థిని కూడా మజ్లిస్‌ ఖరారు చేస్తుందని భావిస్తున్నారు.