కరీంనగర్‌లో శాతవాహన కళోత్సవాలు

హైదరాబాద్‌ః టూరిజం అభివృద్ధికి వివిధ జిల్లాల్లో ప్రత్యేక ఉత్సవాలు నిర్వహిస్తున్న రాష్ట్ర టూరిజం శాఖ కరీంనగర్‌లో శాతవాహన కళోత్సవాల పేరుతో పర్యాటక ఉత్సవాలను నిర్వహిస్తున్నది.

ఈ నెల 19 నుంచి ఈ ఉత్సవాలు ప్రారంభమవుతాయి. పన్నెండు లక్షల రూపాయలతో ఈ వేడుకలను నిర్వహిస్తున్నారు. 19న లోయర్‌ మానేర్‌ డామ్‌లో బోటింగ్‌, గంగిరెద్దుల ప్రదర్శన నిర్వహిస్తారు. 875 మంది జానపద కళాకారుల వీధి ప్రదర్శన, 20న జలయోగ ప్రదర్శన జిల్లాలోని ప్రముఖ పుణ్యక్షేత్రాల సందర్శన తదితర కార్యక్రమాలు వుంటాయి. మూడు రోజుల పాటు జరిగే ఉత్సవాలను ప్రజలు ఎన్నడూ మర్చిపోకుండా నిర్వహించనున్నట్టుగా టూరిజం శాఖ కార్యదర్శి చందనాఖాన్‌ చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!