సద్దాంకు బుష్‌ హెచ్చరిక

వాషింగ్టన్‌: ఇరాక్‌లో ఐక్య రాజ్య సమితి ఆయుధ తనిఖీ బృందాలను అనుమతించకపోతే తీవ్ర పరిణామాలను ఎదుర్కోవాల్సి వుంటుందని అమెరికా అధ్యక్షుడు జార్జి బుష్‌ సద్దాం హుస్సేన్‌ను హెచ్చరించారు. తనిఖీ బృందాలను అనుమతించకపోతే తగిన సమయంలో సద్దాం హుస్సేన్‌తో ఎలా దారికి తేవాలో తమకు తెలుసునని ఆయన అన్నారు.

ఆయుధ తనిఖీ బృందాలను సద్దాం హుస్సేన్‌ అనుమతిస్తారని తాను ఆశిస్తున్నట్లు బుష్‌ టర్కిష్‌ ప్రధాని బులెంట్‌ ఎకెవిట్‌తో వైట్‌హౌస్‌లో సమావేశం కావడానికి ముందు అన్నారు. ఇరాక్‌ విషయంలో టర్కీ తీసుకునే నిర్ణయాల విషయంలో సంప్రదింపులు జరుపుతూనే వుంటామని ఆయన చెప్పారు. టర్కీ ప్రధానితో జరిగిన చర్చలు ప్రాంతీయమైవే కాకుండా ప్రపంచ స్వభావం కలవి కూడా అని ఆయన అన్నారు. అఎn్ఘానిస్థాన్‌లో తాము చేస్తున్న కృషికి సహకరించిన టర్కీని ఆయన అభినందించారు.

ఆయుధ తనిఖీ బృందాలను అనుమతించకపోతే సద్దాం హుస్సేన్‌ ఎదుర్కునే పరిణామాలేమిటని ప్రశ్నించినప్పుడు ఆయనకే తెలిసి వస్తాయి అని బుష్‌ సమాధానమిచ్చారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!