ఘంటసాల భవనానికి మంగళంపల్లిశ్రీకారం

విజయవాడఃవిజయవాడ ప్రజలు సుదీర్ఘకాలంగా ఎదురుచూస్తున్న సంగీత, నాట్య కళాశాల భవనం గురువారం ప్రారంభమైంది. ప్రముఖ సంగీత విద్యాంసుడు మంగళంపల్లి బాలమురళీ కృష్ణ చేతులమీదగా గురువారం విజయవాడలోని సత్యనారాయణపురంలో ఈ సంగీత కళాశాల భవనం ప్రారంభమైంది. ఈ భవనం నిర్మాణం నిధులు లేక ఎన్నోఏళ్ళుగా నిలిచిపోయింది. స్థానికులు చందాలు వేసుకొని ఎట్టకేలకు ఈ భవనాన్ని పూర్తి చేశారు.

మహనీయుడు ఘంటసాలపేరుమీద సంగీత కళాశాల భవనం ఏర్పాటు చేయడం నిజంగా ముదావహమని ఈ కార్యక్రమంలో పాల్గొన్ని మంగళంపల్లి అన్నారు. ఘంటసాల భవనంలో ఏటా ఆయన స్మృతి చిహ్నంగా ప్రత్యేక కార్యక్రమాలు ఏర్పాటు చేయాలని మంగళంపల్లి ఈ సందర్భంగాకోరారు. ఈ కార్యక్రమంలో పర్యాటక శాఖ మంత్రి తలసాని శ్రీనివాస యాదవ్‌, వాణిజ్యపన్నుల శాఖ మంత్రివిజయరామారావు పాల్గొన్నారు.