జయ కేసు: పిటిషన్‌ నిరాకరణ

న్యూఢిల్లీ: జయలలితను ముఖ్యమంత్రి పదవి నుంచి తొలగిస్తూ ఇచ్చిన తీర్పును పునఃసమీక్షించాలని కోరుతూ పిటిషన్‌ వేసేందుకు సుప్రీంకోర్టు రాజ్యాంగ ధర్మాసనం అనుమతి నిరాకరించింది. తమిళనాడు ముఖ్యమంత్రిగా కొనసాగుతున్న జయలలిత నియామకం చెల్లదని గత ఏడాదిసెప్టెంబర్‌ 21వ తేదీన సుప్రీం కోర్టు తీర్పు చెప్పింది.

ఈ తీర్పును పునఃసమీక్షించాలని, ఆమెను తిరిగి పదవిలో నియమించాలని ఎస్‌. సుబ్బారావు అనే న్యాయవాదికోరారు. రాజ్యాంగ నిబంధనలను సుప్రీంకోర్టు సరిగా అన్వయించలేదని ఆయన అభిప్రాయపడ్డారు. ఈ మేరకు పిటిషన్‌ వేసేందుకు అనుమతించాలని ఆయన అభ్యర్థించారు. ఈ వాదనతో న్యాయమూర్తి ఎస్‌.పి. బరూచా నేతృత్వంలోని ఐదుగురు సభ్యుల రాజ్యాంగ ధర్మాసనం ఏకీభవించలేదు. పటిషన్‌ వేసేందుకు మంగళవారం సాయంత్రం అనుమతి నిరాకరించింది.