హైదరాబాద్‌ః సబర్మతి దుర్ఘటన, గుజరాత్‌ హింసాకాండకు నిరసనగావిశ్వహిందూ పరిషత్‌ భారత్‌ బంద్‌ కు ఇచ్చిన పిలుపుమేరకు ఆంధ్రప్రదేశ్‌ లో బంద్‌ పాక్షింకంగా జరిగింది. పాఠశాలలు, కాలేజీలకుసెలవు ప్రకటించారు. బ్యాంకులు దాదాపు మూతపడ్డాయి. హైదరాబాద్‌ లో పలు బస్సులపై రాళ్ళు రువ్వారు. బలవంతంగా దుకాణాలు మూయిస్తున్న కార్యకర్తలను పోలీసులు అదుపులోకి తీసుకున్నారు. బస్సులపై రాళ్ళు రువ్విన సంఘటనలు జరిగాయి. ప్రభుత్వ సంస్థలు యధావిధిగా నడిచాయి.

గుంటూరులో ఓ ఆర్టీసీ బస్సును దగ్ధం చేశారు. మరో బస్సు అద్దాలు పగలకొట్టారు. దాదాపు అన్ని జిల్లా కేంద్రాల్లో వందలాదివిశ్వహిందూ పరిషత్‌, బిజెపి కార్యకర్తలను పోలీసులు అదుపులోపెట్టారు. తిరుపతి, రాజమండ్రి, నిజామాబాద్‌, మహబూబ్‌ నగర్‌ జిల్లాల్లో కూడా బంద్‌ ఎటువంటి అవాంఛనీయ సంఘటనలు లేకుండా ప్రశాంతంగా జరిగింది.