పన్నులపైఅసెంబ్లీలో రభస

హైదరాబాద్‌: మునిసిపాలిటీల్లో ఆస్తి పన్ను, ఇంటి పన్నుపెంపు ప్రతిపాదనపై గురువారం శాసనసభలో రభస జరిగింది. ఈ ప్రతిపాదనపై చర్చకు కాంగ్రెస్‌, సిపిఎం వాయిదా తీర్మానం ప్రతిపాదించాయి.

వాయిదా తీర్మానాన్నిస్పీకర్‌ కె. ప్రతిభా భారతి తిరస్కరించారు. దీంతోసిపిఎం, కాంగ్రెస్‌ సభ్యులు స్పీకర్‌తో వాదనకు దిగారు. దాదాపు పది నిమిషాల పాటు వారు నినాదాలు చేశారు.స్పీకర్‌ పోడియం వైపునకు దూసుకెళ్లారు.

శుక్రవారం ఈ అంశంపై చర్చకు అనుమతిస్తానని స్పీకర్‌ ఇచ్చిన హామీని మొదట వారుఅంగీకరించలేదు. తాము శుక్రవారం చర్చకు సిద్ధమేనని శాసనసభా వ్యవహారాల మంత్రి యనమల రామకృష్ణుడు చెప్పారు. గురువారం చర్చకు తాము సిద్ధంగా లేమని ఆయన చెప్పారు. శుక్రవారం చర్చకు అన్ని పక్షాలు చివరకుఅంగీకరించాయి. దీంతో సభ సద్దుమణిగింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!