కాల్పుల విరమణ రద్దు: వార్‌

నరసరావుపేట: వరంగల్‌ జిల్లాలో జరిగిన భారీ ఎన్‌కౌంటర్‌ను నిరసిస్తూపీపుల్స్‌వార్‌ కాల్పుల విరమణను రద్దు చేసుకుంది. ఈ మేరకుపీపుల్స్‌వార్‌ రాష్ట్ర కార్యదర్శి రామకృష్ణ ఒక ప్రకటన చేశారు.

పౌర స్పందన వేదిక పిలుపునకు తాము సానుకూలంగా ప్రతిస్పందించామని, ఆ మేరకు ఫిబ్రవరి రెండవ వారం నుంచి తాము కాల్పులవిరమణకు పిలుపు ఇచ్చి అమలు జరుపుతూ వచ్చామని ఆయన చెప్పారు. కానీ ప్రభుత్వం ఫిబ్రవరి రెండవ వారంలో అఖిల పక్ష సమావేశం జరిపి చర్చలకు సుముఖత వ్యక్తం చేసి కూడా తమ పార్టీపైన, ప్రజా ఉద్యమంపైన నిర్బంధకాండ అమలు జరుపుతూ వస్తోందని, ఈ పరిస్థితిలో కాల్పులవిరమణను రద్దు చేసుకోక తప్పని పరిస్థితి ఏర్పడిందని ఆయన అన్నారు.

ప్రభుత్వం అమలు చేస్తున్న నిర్బంధకాండ, జరుపుతున్న ఎన్‌కౌంటర్లు ప్రభుత్వానిక చర్చల పట్ల చిత్తశుద్ధి లేదని తెలియజేస్తున్నాయని ఆయన అన్నారు.శాంతి కోసం చిత్తశుద్ధితో ప్రయత్నిస్తున్న ప్రజలను, ప్రజాస్వామిక వాదులను, ప్రతిపక్షాలను చంద్రబాబు ప్రభుత్వం మోసం చేసిందని ఆయనవిమర్శించారు.

రాష్ట్రంలో ప్రభుత్వానికి, విప్లవకారులకు మధ్య చర్చలు జరగాలని ప్రయత్నించిన పౌర స్పందన వేదికవారికి, ఇతర మేధావులకు, ప్రజలకు, పత్రికలవారికి ఆయన అభినందనలు తెలియజేశారు. ప్రభుత్వ దాడులను ఎదుర్కుంటూ సాయుధ ప్రతి దాడిని తీవ్రతరం చేయాల్సిందిగా ఆయనవిప్లవ ప్రజానీకానికి, పార్టీ శ్రేణులకు పిలుపునిచ్చారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!