దేశవ్యాప్తంగాసార్వత్రిక సమ్మె

న్యూఢిల్లీ: కేంద్ర ప్రభుత్వ ప్రయివేటీకరణ విధానానికి, కార్మిక వ్యతిరేక విధానాలకు నిరసనగా కేంద్ర కార్మిక సంఘాల పిలుపు మేరకు మంగళవారం దేశ వ్యాప్తంగా సార్వత్రిక సమ్మె జరిగింది. కేంద్ర, రాష్ట్ర ప్రభుత్వ రంగ సంస్థలపై, బ్యాంక్‌లపై, బొగ్గు గనులపై సమ్మె ప్రభావం పడింది.

సమ్మెకువిశేష ప్రతిస్పందన లభించిందని ఎఐటియుసి ప్రధాన కార్యదర్శి గురుదాస్‌ దాస్‌గుప్తా అన్నారు. సమ్మెకు కాంగ్రెస్‌ మద్దతు ప్రకటించింది. అయితే కాంగ్రెస్‌ అనుబంద కార్మిక సంఘం ఐఎన్‌టియుసి సమ్మెకు దూరంగా వుంది. ఐఎన్‌టియుసి తప్ప అన్ని కార్మిక సంఘాలు సమ్మెలో పాల్గొన్నాయని సిఐటియు కార్యదర్శి తపన్‌సేన్‌ చెప్పారు.

ట్రాన్స్‌పోర్టు రంగానికి చెందిన పది మిలియన్ల కార్మికులు కూడా సమ్మెలో పాల్గొన్నట్లు దాస్‌గుప్తా చెప్పారు. తమ డిమాండ్ల సాధనకు ఆందోళనను మరింత ఉధృతం చేస్తామని ఆయన చెప్పారు.