రాష్ట్రపతి పదవిపై ఏకాభిప్రాయం

హైదరాబాద్‌: తెలుగుదేశం వరంగల్‌ మహానాడుపై తెలంగాణ రాష్ట్ర సమితి (టిఆర్‌ఎస్‌, సిపిఎంలుపెదవి విరాచాయి. వెనుకబడిన ప్రాంతాల పురోగతికి తెలుగుదేశం మహానాడు నిర్దిష్టమైన హామీలు ఇవ్వలేదని టిఆర్‌ఎస్‌ అధ్యక్షుడుకె. చంద్రశేఖర్‌ రావు గురువారం విలేకరుల సమావేశంలో అన్నారు.

చిన్న రాష్ట్రాల ఏర్పాటు అభివృద్ధి నిరోధకమని ముఖ్యమంత్రి నారా చంద్రబాబు నాయుడు చేసిన ప్రకటనను ఆయన ఖండించారు.పెద్ద రాష్ట్రాలయిన ఉత్తరప్రదేశ్‌, బీహార్‌ రాష్ట్రాలు అభివృద్ధిలో వెనుకబడి ఉన్నాయని, వాస్తవాలు ఇలా వుంటే చంద్రబాబు నాయుడు ప్రజలను పక్కదారి పట్టించడానికి అబద్ధాలు మాట్లాడుతున్నారని ఆయన అన్నారు. ప్రత్యేక తెలంగాణ నినాదం వేర్పాటువాదమని ముఖ్యమంత్రి అనడాన్ని ఆయన తప్పు పట్టారు.

తెలుగుదేశం మహానాడులో ఆత్మస్తుతికి, స్వోత్కర్షకు ప్రాధాన్యం ఇచ్చారని, ఆత్మావలోకనఅసలే లేదని సిపిఎం రాష్ట్ర కార్యదర్శి బి.వి. రాఘవులు గురువారం మరోవిలేకరుల సమావేశంలో అన్నారు. మహానాడులో ప్రజాసమస్యల ప్రస్తావన లేకపోవడాన్ని ఆయన తప్పు పట్టారు.