పూంఛ్‌ ఎయిర్‌పోర్టుకు పాక్‌ దాడుల తాకిడి

జమ్మూ: పాకిస్థాన్‌ బలగాలు జమ్మూ డివిజన్‌లోని పూంఛ్‌ జిల్లాల్లో జరుపుతున్న దాడుల తాకిడికి మంగళవారం పూంఛ్‌విమానాశ్రయం గురైంది . పాక్‌ బలగాలు సోమవారం నుంచి జరుపుతున్న దాడుల్లో ఒక మహిళతో పాటు ముగ్గురు పౌరులు గాయపడ్డారు.

పాకిస్థాన్‌ బలగాలు దాడులు మంగళవారం తెల్లవారుజామున మూడు గంటల ప్రాంతంలో ప్రారంభమైనట్లు, పూంఛ్‌విమానాశ్రయం కూడా ఈ దాడుల తాకిడికి గురైనట్లు అధికార వర్గాలు చెప్పాయి.విమానాశ్రం దెబ్బ తినలేదని ఆ వర్గాలు చెప్పాయి. పాక్‌ దాడులను భారత బలగాలు తిప్పికొడుతున్నాయి. పరస్పర దాడులు ఇంకా కొనసాగుతూనే ఉన్నాయి.

పాకిస్థాన్‌ బలగాలు పూంఛ్‌ పట్టణాన్ని, ఖారి-కార్మరా,జల్లాస్‌, సలోత్రి, డల్లాన్‌, మాల్తి, మెగ్నార్‌ లక్ష్యంగా ఎంచుకుని సోమవారం సాయంత్రం ఆరు గంటల ఉంచి పదిన్నర గంటల వరకు మోర్టార్‌ బాంబులను ప్రయోగించాయి. ఈ దాడుల్లో ఇద్దరు మహిళలు గాయపడ్డారు. మరో పౌరుడు సోమవారం రాత్రి మెంధార్‌ తహిసీల్‌లో గాయపడ్డాడు. పరస్పరఫిరంగి, మోర్టార్‌ బాంబుల ప్రయోగాలు సియాచిన్‌ గ్లేసియర్‌, ద్రాస్‌, బాటాలిక్‌, కృష్ణగట్టి, పూంఛ్‌, నౌషేరా, ఆర్‌.ఎస్‌. పురా ప్రాంతాల్లో సోమవారం రాత్రి నుంచి కొనసాగుతున్నాయి.