తెహల్కా పై సిబిఐ దాడి

న్యూఢిల్లీః ఢిల్లీలోని తెహల్కా కార్యాలయంపై సిబిఐ బుధవారం నాడు దాడులు జరిపింది. వెంకటస్వామి కమిషన్‌ ముందు పోర్టల్‌ ఎడిటర్‌ ఇన్‌ చీఫ్‌ తరుణ్‌ తేజ్‌పాల్‌ హాజరుకావడానికి కొద్ది సమయం ముందుగా సిబిఐ తెహల్కా కార్యాలయంపై దాడులు జరపడం గమనార్హం.

రక్షణశాఖలోని అవినీతిని వెలికితీస్తూ తెహల్కా ప్రచురించిన కథనాలుపెను సంచలనం సృష్టించిన విషయం విదితమే. ఒక్కసారిగా పదిపదిహేను మంది సిబిఐ అధికారులు తమ కార్యాలయంపై దాడి చేసి సోదా జరిపినట్టుగా తేజ్‌పాల్‌ చెప్పారు. ఈ దాడికి కారణం తమకు తెలియదని, వారే సమాచారం కోసం దాడి జరిపారో తమతో చెప్పలేదని ఆయన వెల్లడించారు.