కృష్ణకాంత్‌ అంత్యక్రియలకు బాబు

న్యూఢిల్లీ: ఉపరాష్ట్రపతి కృష్ణకాంత్‌ భౌతిక కాయాన్ని సందర్శించి నివాళులర్పించడానికి ముఖ్యమంత్రి నారా చంద్రబాబునాయుడు ఆదివారం ఢిల్లీ చేరుకున్నారు.

ఆయన ఆదివారం ఉదయం కృష్ణకాంత్‌ భౌతిక కాయాన్ని సందర్శించి నివాళులర్పించారు. ఆయనతో పాటు భారతీయ జనతా పార్టీ (బిజెపి) జాతీయాధ్యక్షుడుఎం. వెంకయ్యనాయుడు, రైల్వే శాఖ సహాయ మంత్రి బండారు దత్తాత్రేయ కూడా కృష్ణకాంత్‌ భౌతిక కాయాన్ని సందర్శించి నివాళులర్పించారు. కృష్ణకాంత్‌ మరణం దేశానికి తీరని లోటని ముఖ్యమంత్రి అన్నారు. ఆంధ్రప్రదేశ్‌పై కృష్ణకాంత్‌కు ప్రత్యేకాభిమానం ఉండేదని ఆయన అన్నారు. ఆ మరణం రాష్ట్రానికి కూడా తీరని నష్టమని ఆయన అన్నారు. కృష్ణకాంత్‌ కుటుంబ సభ్యులకు ఆయన తన ప్రగాఢ సానుభూతి తెలియజేశారు.