13 మందుపాతరలు వెలికితీత

వరంగల్‌ః వరంగల్‌ జిల్లాలో భారీ మందుపాతరను పోలీసులు వెలికి తీశారు. జిల్లాలోని ధర్మాసాగర్‌ మండలం ముప్పారం సమీపంలోని రహదారిపై 13 మందుపాతరలను పోలీసులు నిర్వీర్యం చేశారు. నక్సలైట్లు రెండేళ్ళ కిందట ఈ మందుపాతరలను అమర్చి వుంటారని పోలీసులు భావిస్తున్నారు.

30 మంది పోలీసులు రెండు రోజుల పాటు అహోరాత్రులు శ్రమించి ఈ భారీ మందుపాతరలను నిర్వీర్యం చేయగలిగారు. లొంగిపోయిన నక్సలైట్లు ఇచ్చిన సమాచారం మేరకు పోలీసులు ఈ మందుపాతరలను కనుగొని నిర్వీర్యం చేయగలిగారని భావిస్తున్నారు.