టీచర్లకు ఆధ్యాత్మిక శిక్షణః బాబు

హైదరాబాద్‌ః రాష్ట్రంలోని టీచర్లకు ఇకమీదట ఆధ్యాత్మిక, ధ్యాన రంగాల్లో శిక్షణ ఇవ్వాలని చంద్రబాబు నాయుడు ప్రభుత్వం నిర్ణయించింది. టీచర్లకు ఆధ్యాత్మిక, ధ్యానాల్లో శిక్షణ ఇచ్చే బాధ్యతను బ్రహ్మకుమారి సంస్థకుఅప్పగిస్తున్నట్లు ముఖ్యమంత్రి చంద్రబాబు నాయుడు ఆదివారం ప్రకటించారు. బ్రహ్మకుమారి సంస్థ సుహృద్భావం-అభివృద్ధి పథం అనేఅంశంపై జాతీయ సెమినార్‌ ను ఆదివారం రామోజీ ఫిల్మి సిటీలో నిర్వహించింది.

ఈ కార్యక్రమంలో ఈనాడు గ్రూప్‌ చైర్మన్‌ రామోజీ రావు, ముఖ్యమంత్రి దంపతులు పాల్గొన్నారు. ఈ సందర్భంగా చంద్రబాబు మాట్లాడుతూ రాష్ట్రంలో టీచర్లకు ఇకమీదట ఆధ్యాత్మిక, ధ్యానాల్లో శిక్షణ ఇస్తామన్నారు. ఇందులో భాగంగా ఇప్పటికే 350 మంది టీచర్లకు బ్రహ్మకుమారి సంస్థ ప్రధానకేంద్రం మౌంట్‌ ఆబుకు పంపి శిక్షణ ఇప్పించినట్లు చంద్రబాబు తెలిపారు.