భారత్‌ తో యుద్ధం లేదుః ముషారఫ్‌

ఇస్లామాబాద్‌ః భారత్‌ - పాక్‌ దేశాల మధ్య యుద్ధ జరిగే అవకాశాలు లేవని, అటువంటి పరిస్థితే వస్తే సమర్ధంగా ఎదుర్కొనేందుకు పాక్‌సేనలు సిద్ధంగా వున్నాయని ముషారఫ్‌ అన్నారు. ఉభయ దేశాల మధ్య చాలాకాలంగా నెలకొన్న ఉద్రిక్తపరిస్థితులు మంగళవారం గుజరాత్‌ లోని ఆలయంపై జరిగినమిలిటెంట్ల దాడితో పతాకస్థాయికి చేరుకున్నాయి.

ఈ దాడి చేసింది పాక్‌ ప్రేరేపిత తీవ్రవాదులో అని భారత్‌ ప్రభుత్వం గట్టిగా నమ్ముతున్నది. ఈ నేపధ్యంలో ఉభయదేశాల మధ్య యుద్ధ పరిస్థితి మళ్ళీ ఊపందుకుంది. దరిమిలా ముషారఫ్‌ శుక్రవారం ఇస్లామాబాద్‌ లోవిలేకర్లతో మాట్లాడుతూ యుద్ధభయం లేదని చెప్పడంవిశేషం.