గుడిపై దాడికి అమెరికా ఖండన

వాషింగ్టన్‌: జమ్మూలోని రఘునాథాలయంపై తీవ్రవాదుల దాడిని అమెరికా ఖండించింది. బాధితులకు తన సానుభూతిని తెలియజేసింది.

జమ్మూ కాశ్మీర్‌ సమస్య పరిష్కారానికి హింససరైన మార్గం కాదని, ఈ విషయాన్ని మిలిటెంట్లు గుర్తించాలని అమెరికా విదేశాంగ ప్రతినిధి రిచర్డ్‌ బౌచర్‌ అన్నారు. కాశ్మీర్‌ సమస్యను శాంతియుతంగాపరిష్కరించుకోవడానికి కేంద్ర, రాష్ట్ర ప్రభుత్వాలకు అమెరికా సహకారంఅందిస్తుందని ఆయన చెప్పారు. ఇటీవలి విచక్షణారహితమైన హింసను తాము ఖండిస్తున్నామని, హింస కాశ్మీర్‌ సమస్యను పరిష్కరించలేదని, ఉగ్రవాదం ఏ గ్రూప్‌ రాజకీయ లక్ష్యాలను కూడా సాధించలేదని ఆయన అన్నారు. హింసాత్మక సంఘటనలకు పాల్పడడం ఉద్రిక్తతలను తగ్గించి, సంభాషణకు పాదులు వేయాలని ప్రయత్నిస్తున్న కొత్త రాష్ట్ర ప్రభుత్వ చర్యలను తక్కువ చేసి చూడడమేనని ఆయన వ్యాఖ్యానించారు.