తెహెల్కాస్కామ్‌: ఫుకాన్‌ నియామకం

న్యూఢిల్లీ: రక్షణ వ్యవహారాల విషయంలో తెహెల్కా డాట్‌ కామ్‌ చేసిన ఆరోపణలపై విచారణ జరిపేందుకు సుప్రీంకోర్టు రిటైర్డ్‌ న్యాయమూర్తి జస్టిస్‌ ఎన్‌. ఎన్‌. ఫుకాన్‌ నియమితులయ్యారు.

జస్టిస్‌ కె. వెంకటస్వామి రాజీనామా చేయడం వల్ల ఆ స్థానంలో ఫుకాన్‌ను నియమించారు. అస్సాంకు చెందిన ఫుకాన్‌ సుప్రీంకోర్టు న్యాయమూర్తిగా నిరుడు పదవీవిరమణ చేశారు. తెహెల్కా కుంభకోణంపై విచారణ జరుపుతున్న సమయంలో వెంకటస్వామి అథారిటీ ఆన్‌ అడ్వాన్స్‌ రూలింగ్‌ ఆన్‌ కస్టమ్స్‌ అండ్‌ ఎక్సైజ్‌ చైర్మన్‌గా నియమితులయ్యారు. దీంతో వివాదం చెలరేగింది.