సయీద్‌ మంత్రి వర్గ విస్తరణ

జమ్మూ: జమ్మూ కాశ్మీర్‌ ముఖ్యమంత్రి ముఫ్తీ మహ్మద్‌ సయీద్‌ మంగళవారంనాడు తన మంత్రి వర్గాన్ని విస్తరించారు. కొత్తగా 22 మంది మంత్రులను తీసుకున్నారు. ఇందులో పది మంది క్యాబినెట్‌ మంత్రులు.

ఈ విస్తరణతో సయీద్‌ మంత్రి వర్గంలోని సభ్యుల సంఖ్య 29కి పెరిగింది. లడక్‌, కార్గిల్‌ జిల్లాలకు చెందిన ఎన్‌. రిగ్జిన్‌ జోరా, హజీ నిస్సార్‌ అలీలకు క్యాబినెట్‌ హోదా కల్పించారు. కొత్త మంత్రుల చేత గవర్నర్‌ గిరీష్‌ చందర్‌ సక్సేనా ప్రమాణం చేయించారు.