ముగ్గురు నక్సల్స్‌ హతం

నిజామాబాద్‌: నిజామాబాద్‌ జిల్లాలో సోమవారం తెల్లవారుజామున జరిగిన ఎన్‌కౌంటర్‌లో ముగ్గురు పీపుల్స్‌వార్‌ నక్సలైట్లు హతమయ్యారు. మరణించినవారిలో గెరిల్లా దళ కమాండర్‌తో పాటు ఒక మహిళా నక్సలైట్‌ ఉన్నారు.

పోలీసులకు, నక్సలైట్లకు మధ్య నిజామాద్‌ జిల్లా కమ్మరిపల్లి మండలం మానాల అటవీ ప్రాంతంలో ఈ ఎన్‌కౌంటర్‌ జరిగింది. మరణించిన నక్సలైట్లలో కరీంనగర్‌ జిల్లా జగిత్యాల లోకల్‌ గెరిల్లా దళ కమాండర్‌ భాస్కర్‌, మరో ఇద్దరు నక్సలైట్లు సంతోష్‌,స్వరూప ఉన్నారు. సంఘటనా స్థలం నుంచి పోలీసులు రెండు పిస్టళ్లుస్వాధీనం చేసుకున్నారు.