బాబును కలిసిన సయీద్‌

హైదరాబాద్‌: కాశ్మీర్‌ ముఖ్యమంత్రి ముఫ్తీ మహ్మద్‌ సయీద్‌తో కూడిన కాశ్మీర్‌ ప్రతినిధి బృందం బుధవారం రాష్ట్ర ముఖ్యమంత్రి నారా చంద్రబాబునాయుడును కలుసుకుంది. ఇక్కడ జరిగే సిఐఐ సదస్సులో పాల్గొనడానికి సయీద్‌ బృందం వచ్చింది. ఈ సందర్భంగా ఆ బృందం చంద్రబాబును కలుసుకుంది.

కాశ్మీర్‌ రాష్ట్రంలో పెట్టుబడులు పెట్టడానికి అనువైన రంగాలను గుర్తించేందుకు, పెట్టుబడులు పెట్టడానికి ముందుకు వచ్చే సంస్థలను గుర్తించేందుకు ముఫ్తీ బృందం ఇక్కడికి వచ్చింది. ఈ విషయాల గురించే సయీద్‌ చంద్రబాబుతో చర్చించినట్లు సమాచారం. కాశ్మీర్‌లో వచ్చే కొద్ది కాలంలో పరిస్థితులు పూర్తిగా మారిపోగలవని సయీద్‌ ఆశిస్తున్నారు.