అపార్ట్‌మెంటులో అగ్ని ప్రమాదం

హైదరాబాద్‌: నగరంలోని ఒక అపార్ట్‌మెంటులో గురువారం అగ్ని ప్రమాదం సంభవించింది. ఈ ప్రమాదంలో ఎలాంటి ప్రాణనష్టం సంభవించలేదు. అగ్ని మాపక దళం సకాలంలో స్పందించి ఉండకపోతే ఘోర ప్రమాదంగా ఇది పరిణమించి వుండేది.

శాసనసభకు అతి సమీపంలో, రిజర్వ్‌ బ్యాంకు కార్యాలయం పక్కనే ఉన్న ఈ నాజర్‌ అపార్ట్‌మెంట్‌లోని మూడో అంతస్థులు మంటలు లేచాయి. ఇది మొత్తం 13 అంతస్థుల అపార్ట్‌మెంట్‌. ఇందులో రెసిడెన్సియల్‌ కాంప్లెక్స్‌లతో పాటు వాణిజ్య కాంప్లెక్స్‌లు కూడా ఉన్నాయి. అగ్ని ప్రమాదాలను నివారించడానికి అపార్ట్‌మెంట్‌లో ఏ విధమైన ఏర్పాట్లు లేవని సంబంధిత అధికారులంటున్నారు.