చర్చల ద్వారా పరిష్కారం: పిఎం

న్యూఢిల్లీ: అయోధ్య వివాదాన్ని చర్చల ద్వారా పరిష్కరించుకోవాలని ప్రభుత్వం వాంఛిస్తోందని ప్రధాని అటల్‌బిహారీ వాజ్‌పేయి అన్నారు. ఏ గ్రూప్‌తోనూ సమావేశమయ్యే ఆలోచన తనకు లేదని ఆయన స్పష్టం చేశారు.

ఆయన మంగళవారం అంగన్‌వాడీ కార్యకర్తలను ఉద్దేశించి ప్రసంగించని అనంతరంవిలేకరులతో మాట్లాడారు. తాను ఈ రోజు కంచి శంకరాచార్యతో సమావేశమవుతున్నానని, తాము చర్చలు జరుపుతామని, ఏం జరుగుతుందో చూద్దామని ఆయన అన్నారు.

ఏ గ్రూప్‌తోనైనా సమావేశమవుతున్నారా అని అడిగితే లేదని ఆయన సమాధానమిచ్చారు. ఈ సమావేశం జరగనివ్వండి, ఆ తర్వాత ఆవిషయంపై నిర్ణయం తీసుకుందాం అని వాజ్‌పేయి అన్నారు.