యుద్ధ వ్యతిరేక మౌన ప్రదర్శన

హైదరాబాద్‌: ఇరాక్‌పై అమెరికా యుద్ధప్రయత్నాలను వ్యతిరేకిస్తూ హైదరాబాద్‌లో ఆదివారం ప్రదర్శన జరిగింది. యుద్ధవ్యతిరేక వేదిక ఈ ప్రదర్శనను నిర్వహించింది.

ఈ మౌన ప్రదర్శన చారిత్రక చార్మినార్‌ నుంచి ప్రారంభమైంది. ఈ ప్రదర్శనలో కాంగ్రెస్‌, మజ్లీస్‌, కమ్యూనిస్టు పార్టీల నాయకులు, కార్యకర్తలు, మేధావులు, కళాకారులు పాల్గొన్నారు. చమురు నిక్షేపాల కోసమే అమెరికా ఇరాక్‌పై యుద్ధానికి కాలు దువ్వుతోందని వారు విమర్శించారు. అమెరికా యుద్ధోన్మాదాన్ని వ్యతిరేకిస్తూ ప్లకార్డులు ప్రదర్శించారు.