ఒయు నియామకాలపై పునఃపరిశీలన

హైదరాబాద్‌: ఉస్మానియా విశ్వవిద్యాలయం వైస్‌ చాన్సలర్‌ జరిపిన నియామకాలను పునఃపరిశీలిస్తామని ముఖ్యమంత్రి నారా చంద్రబాబునాయుడు చెప్పారు. శాసనసభ ప్రశ్నోత్తరాల సమయంలో ఆయన సోమవారం ఈ విషయం చెప్పారు.

ఉస్మానియా విశ్వవిద్యాలయం నియామకాల్లో అవకతవలను ప్రభుత్వం అరికట్టలేకపోయిందని ప్రతిపక్షాలు విమర్శించాయి. చాలా యూనివర్శిటీల్లో కార్యనిర్వాహక మండళ్లు ఏర్పడలేదని, కెరీర్‌ అడ్వాన్స్‌మెంట్‌ స్కీమ్‌ సరిగా అమలు కావడం లేదని అన్నాయి. ఈ విషయంలో ఉన్నత విద్యాశాఖ మంత్రి ఎన్‌.ఎం.డి. ఫరూఖ్‌ ఇచ్చిన సమాధానంతో ప్రతిపక్షాలు సంతృప్తి చెందలేదు. దీంతో ముఖ్యమంత్రి జోక్యం చేసుకుని న్యాయస్థానాలతో ప్రమేయం లేకపోతే విశ్వవిద్యాలయాల్లో పదోన్నతులు చేపడతామని చెప్పారు.