ఇరాక్‌ వార్‌: 77 మంది పౌరులు బలి

బగ్దాద్‌: అమెరికా దాడిలో ఇరాక్‌ దక్షిణ ప్రాంతంలో గల బాస్రా నగరంలో 77 మంది పౌరులు మరణించినట్లు ఇరాక్‌ సమాచార మంత్రి మొహ్మద్‌ సయీద్‌ ఆల్‌- సహీఫ్‌ చెప్పారు. మరో 366 మంది గాయపడ్డారని ఆయన చెప్పారు.

అమెరికా ప్రయోగించిన క్లష్టర్‌ బాంబులకు పౌరులు బలయ్యారని ఆయన చెప్పారు. భారత కాలమానం ప్రకారం ఈ నెల 22వ తేదీ మధ్యాహ్నం రెండు గంటలకు అమెరికా బాస్రాపై దాడులు ప్రారంభించింది. మొదట శివారు ప్రాంతంలో బాంబులు ప్రయోగించినప్పటికీ, తర్వాత నగరంలో దాడులకు పాల్పడిందని ఖాతర్‌కు చెందిన టెలివిజన్‌ ఛానల్‌ ఆల్‌ జజీరా తెలియజేసింది.