కాకినాడలో ఇద్దరు సజీవదహనం

కాకినాడ: తూర్పు గోదావరి జిల్లా కాకినాడలో తల్లీకొడుకుల సజీవదహనం ఉదంతం సంచలనం సృష్టించింది. అండాలమ్మ, ఆమె కొడుకు ఉమామహేశ్వర రావు వారి ఇంట్లో సజీవ దహనం అయ్యారు.

కాకినాడలోని పేకేటివారిపాలెంలో జరిగిన ఈ సంఘటనపై పలు అనుమానాలు వ్యక్తమవుతున్నాయి. సమీప బంధువులే వారిద్దరిని హత్య చేసి, దహనం చేసి వుంటారనే అనుమానాలు వ్యక్తం అవుతున్నాయి. ఆస్తి కోసం వారు ఈ పని చేసి వుంటారని భావిస్తున్నారు. ఈ కేసులో పనిమనిషిని, ఆమె స్నేహితుడ్ని పోలీసులు అదుపులోకి తీసుకుని ప్రశ్నిస్తున్నారు.