ఐమాక్స్ తాజ్ మహల్ లో ఐశ్వర్యరాయ్!
ముంబై: తాజ్ మహల్ పై నిర్మాణం అవుతోన్న చిత్రాల పరంపరకు మరో చిత్రం తోడు అవుతోంది. కాకపోతే, ఇది ఐమాక్స్ చిత్రం. ప్రపంచ ప్రఖ్యాతగాంచిన నిర్మాణ సంస్థ వార్నర్ బ్రదర్స్ తాజ్ మహల్ పై ఓ అంతర్జాతీయ చిత్రం రూపొందించే ప్రయత్నంలో ఉండగా, భరత్ బాలా (వందేమాతరం వంటి ఆల్బమ్స్ సృష్టికర్త) ఐమాక్స్ చిత్రాన్ని రూపొందిస్తున్నాడు.
అంతర్జాతీయ స్థాయిలో రూపొందించనున్న ఈ చిత్రంలో ముంతాజ్ మహల్ పాత్రను ఐశ్వర్యరాయ్ పోషించనుందని ఆయన చెప్పారు. ఇప్పటికేఏ 60, 70 శాతం చిత్రీకరణ పూర్తి చేశాం. ఇది పూర్తిగా కమర్షియల్ చిత్రాలకు భిన్నంగా ఉండే మ్యూజికల్ చిత్రమని ఆయన తెలిపారు.
అంతర్జాతీయంగా ఐశ్వర్యారాయ్ అందరికీ తెలిసిన హీరోయిన్ కాబట్టే ఆమెను ముంతాజ్ మహల్ పాత్రకు ఎంపికచేసినట్లు ఆయన చెప్పారు. హైదరాబాద్ లో త్వరలో ప్రారంభం కానున్న ప్రసాద్ ఐమ్యాక్స్ థియేటర్ తో పాటు ప్రపంచవ్యాప్తంగా 1400 ఐమాక్స్ థియేటర్ లలో ఈ చిత్రాన్ని వచ్చే జనవరిలో విడుదల చేయనున్నారు.