ఓటర్ల జాబితాలపై ఇసి సీరియస్‌

ఒంగోలు: బ్యాంకుల జాతీయీకరణ లక్ష్యం దెబ్బ తింటోందని కాంగ్రెస్‌ లెజిస్లేచర్‌ పార్టీ (సిఎల్‌పి) మాజీ నేత డాక్టర్‌ వై.యస్‌. రాజశేఖర్‌ రెడ్డి ఆవేదన వ్యక్తం చేశారు. ఎవరినో దెబ్బ తీయడానికి స్వర్గీయ ఇందిరాగాంధీ బ్యాంకుల జాతీయీకరణను చేపట్టలేదని, గ్రామీణ ఆర్థిక వ్యవస్థను మెరుగుపరిచేందుకే జాతీయీకరణను చేపట్టారని ఆయన గురువారం ఇక్కడ విలేకరుల సమావేశంలో అన్నారు.

సరళీకృత ఆర్థిక విధానాల అమలును ఎప్పటికప్పుడు సమీక్షించుకుంటూ సరైన పంథాలో వాటిని తీసికెళ్లాల్సి వుంటుందని ఆయన అన్నారు. లఘు పరిశ్రమల స్థాపనకు బ్యాంకుల అప్పులు పుట్టడం లేదని ఆయన అన్నారు. నీటిపారుదల, విద్యుచ్ఛక్తి, తదితర ప్రధాన రంగాల్లో పెట్టుబడులు పెట్టి ఆదాయవనరులను పెంచాల్సి వుంటుందని కూడా ఆయన అభిప్రాయపడ్డారు.