• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ముందస్తు ఎన్నికలకు పోతాం: అద్వానీ తిరుపతి: ప్రధాని వాజ్‌పేయి ఇస్లామాబాద్‌ నుంచి తిరిగి రాగానే ముందస్తు లోక్‌సభ ఎన్నికలపై నిర్ణయం తీసుకుంటామని ఉప ప్రధాని ఎల్‌.కె. అద్వానీ చెప్పారు. ఆయన శుక్రవారం సతీసమేతంగా తిరుమలను సందర్శించారు. ముందు పద్మావతి అమ్మవారిని సందర్శించుకుని తిరుమల చేరుకున్నారు.

By Staff
|

బ్రిస్బేన్‌: ముక్కోణపు సిరీస్‌లో భాగంగా ఇక్కడ ఆదివారం జరిగిన వన్డే మ్యాచ్‌లో ఆస్ట్రేలియాపై భారత్‌ అద్భుతవిజయం సాధించింది. ఆస్ట్రేలియాను 19 పరుగులతో భారత్‌ ఓడించింది. అన్నివిషయాల్లో ఉత్తమమైన ప్రదర్శనను భారత్‌ ఆదివారంనాడు కనబరిచింది.

మొదట బ్యాటింగ్‌ చేసిన భారత్‌ ఆస్ట్రేలియా ముందు 303 పరుగుల లక్ష్యాన్ని ఉంచింది. ఈ లక్ష్యాన్ని ఛేదించడానికి బరిలోకి దిగిన ఆస్ట్రేలియా 284 పరుగులకు ఆలవుట్‌అయింది. ఆస్ట్రేలియా ఓపెనర్లు ఆడిన తీరు భారత్‌ ఓటమి ఖాయమనిపించింది. గిల్‌క్రిస్ట్‌, మాథ్యూ హెడెన్‌ భారత బౌలర్లను చీల్చి చెండాడారు. గిల్‌క్రిస్ట్‌ అవుట్‌అయిన తర్వాత ఆస్ట్రేలియా రన్‌ రేట్‌ కొద్దిగా తగ్గింది. మాథ్యూ హెడెన్‌ 109 పరుగులు చేశాడు. అయితేమిగతా బ్యాట్స్‌మెన్‌ ఎవరు కూడా అర్థ సెంచరీ చేయలేకపోయారు. బాలాజీ నాలుగు ఆస్ట్రేలియావికెట్లు తీసుకున్నాడు. ఇర్ఫాన్‌ పఠాన్‌ 3 వికెట్లు పడగొట్టాడు. నెహ్రాకు ఒకవికెట్‌, తొలి వన్డే ఆడిన రోహన్‌ గవాస్కర్‌కు ఒకవికెట్‌ లభించాయి. ఇర్ఫాన్‌ పఠాన్‌ వేసిన బంతితో రాహుల్‌ ద్రావిడ్‌విలియమ్‌ బ్రాడ్‌ను అద్భుతంగా స్టంప్‌ అవుట్‌ చేశాడు. దీంతో ఆస్ట్రేలియావికెట్లన్నీ పడిపోయాయి.

ఈ మ్యాచ్‌లో సెహ్వాగ్‌ లేకపోవడంతో సచిన్‌ టెండూల్కర్‌తో కలిసి కెప్టెన్‌ సౌరబ్‌ గంగూలీ భారత బ్యాటింగ్‌ను ప్రారంభించాడు. అయితే గంగూలీ ఎక్కువసేపు నిలదొక్కుకోలేకపోయాడు. సచిన్‌ తన ప్రతిభనుఅంతా కనబరిచి ఆడాడు. టెండూల్కర్‌ 86 పరుగులు చేసి అవుటయ్యాడు.వివియస్‌ లక్ష్మణ్‌తో కలిసి తన భాగస్వామ్యంలో సచిన్‌ వంద పరుగులకుపైగా జోడించాడు. ఆ తర్వాత బ్యాటింగ్‌కు వచ్చిన రాహుల్‌ ద్రావిడ్‌ ఆచితూచి ఆడుతూనే వేగంగా పరుగులు చేశాడు. లక్ష్మణ్‌సెంచరీ చేసి అజేయంగా నిలిచాడు. భారత్‌ నాలుగువికెట్లు మాత్రమే కోల్పోయి 303 పరుగులు చేసింది. 103 పరుగులు చేసి భారత్‌విజయానికి తోడ్పడిన లక్ష్మణ్‌కు మ్యాన్‌ ఆఫ్‌ ద మ్యాచ్‌ అవార్డు లభించింది. భారత్‌ ఈ మ్యాచ్‌లో పూర్తిటీమ్‌ స్పిరిట్‌ను ప్రదర్శించింది. భారత ఆటగాళ్లు కొన్ని అద్భుతమైన క్యాచ్‌లు పట్టారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X