వేగవంతమైన అలర్ట్స్ కోసం
For Daily Alerts
అసమ్మతి సమసినట్లే: వైయస్సార్హైదరాబాద్: కాంగ్రెస్ కడప జిల్లా నేతల అసమ్మతి సమసిపోయినట్లేనని కాంగ్రెస్ లెజిస్లేచర్ పార్టీ(సిఎల్పి) మాజీ నేత డాక్టర్ వై.యస్. రాజశేఖర్ రెడ్డి అన్నారు. సమస్య కొంత ఉంటూ మీడియా కొండంత చేసిందని ఆయన సోమవారంవిలేకరులతో అన్నారు. అసమ్మతి నేత డాక్టర్ఎం.వి. మైసురారెడ్డి, రాజశేఖర్ రెడ్డి మంగళవారం ఢిల్లీకి వెళ్తున్నారు. వారిద్దరు ఎఐసిసి అధ్యక్షురాలు సోనియాగాంధీని, ఆంధ్రప్రదేశ్ కాంగ్రెస్ వ్యవహారాల ఇన్చార్జి గులాం నబీ ఆజాద్ను కలుసుకుంటారు. అధిష్ఠానం వద్ద తమ సమస్యలనువినిపించుకోవడం తప్పేమీ కాదని రాజశేఖర్ రెడ్డి అన్నారు. తాను సమస్యఅసలే లేదని అనడం లేదని, అయితే కొద్దిగా ఉన్న సమస్యను మీడియా ఎక్కువ చేసి చూపిందని ఆయన అన్నారు. కడప లోక్సభసీటును మైసురారెడ్డి ఆశిస్తున్నట్లు తనకు తెలియదని ఆయన అన్నారు.
హైదరాబాద్ః ఎన్టీఆర్ అల్లుడు,మాజీ మంత్రి దగ్గుబాటి వెంకటేశ్వరరావు కాంగ్రెస్ అధ్యక్షురాలు సోనియాగాంధీని కలిసేందుకు రేపు ఢిల్లీ వెళ్తున్నారు. ఎనిమిదో తేదీన ఆయన సోనియాగాంధీ సమక్షంలో కాంగ్రెస్ పార్టీలో చేరనున్నారు.
ఆయన కాంగ్రెస్ లో చేరడం వల్ల ప్రకాశం జిల్లాలోనే గాక కోస్తాలోని అనేక జిల్లాల్లో ఉన్న ఆయన అనుచరులు కాంగ్రెస్ లో చేరే అవకాశం ఉంది. ఇటీవల కాంగ్రెస్ లో చేరిన నారా రామ్మూర్తి నాయుడుతో సుదీర్ఘ మంతనాలు జరిపిన అనంతరం దగ్గుబాటి కాంగ్రెస్ లో చేరాలని నిర్ణయించుకున్నారు. దగ్గుబాటి కాంగ్రెస్ టికెట్ పై ప్రకాశం జిల్లాలోని ఏదో ఒకఅసెంబ్లీ స్ధానానికి పోటీ చేయాలనుకుంటున్నారు.
Comments
Story first published: Monday, February 2, 2004, 23:53 [IST]