జనజీవనస్రవంతికి రావాలి: నక్సల్స్‌కువైయస్‌ సూచన

ముల్తానాబాద్‌: పాకిస్థాన్‌లోని ముల్తాన్‌ నగరంలో గురువారం జరిగిన రెండు బాంబు పేలుడు సంఘటనల్లో ముప్పై తొమ్మిది మంది మరణించారు. పంజాబ్‌ ప్రొవిన్స్‌లోని ముల్తాన్‌ నగరంలో సున్నీ అతివాద సంస్థ సిఫా - ఎ - సెహబా ర్యాలీ నిర్వహించింది. ఈ ర్యాలీకి కొద్ది దూరంలో రెండు సార్లు బాంబు పేలుళ్లు సంభవించాయి.

ఊరేగింపులో పాల్గొన్నవారు ఇళ్లకు తిరిగి వెళ్తుండగా మొదట ఒక కారు బాంబు పేలింది. ఆ వెంటనే ఒక మోటార్‌ సైకిల్‌ లో పెట్టిన బాంబు పేలింది. ఈ సంఘటనలో ముప్పై తొమ్మిది మంది మరణించగా, వంద మందికి పైగా గాయపడ్డారు. యాబై మంది పరిస్థితి ఆందోళనకరంగా ఉంది. సిఫా - ఎ - సెహబా వ్యవస్థాపకుడు ఆజమ్‌ తారిఖ్‌ స్మారకార్థం ఊరేగింపు, బహిరంగ సభ జరిగాయి. తారిఖ్‌ నిరుడు తుపాకితో కాల్చి చంపారు. బాంబులను రిమోట్‌ కంట్రోల్‌ సహాయంతో పేల్చారు. ఆత్మాహుతి బాంబర్లు ఈ పని చేయలేదు. ఈ సంఘటనతో షియాలపై దాడులు జరిగే ప్రమాదం ఉన్నందున ముల్తాన్‌లో పోలీసు నిఘాను పెంచారు.