వేగవంతమైన అలర్ట్స్ కోసం
For Daily Alerts
విశాఖ ఏజెన్సీలో నక్సలైట్ ఎన్కౌంటర్
విశాఖపట్నం: విశాఖపట్నం జిల్లా జి.కె. వీధి మండలం అటవీ ప్రాంతంలో పోలీసులకు, మావోయిస్టులకు మధ్య జరిగిన ఎదురు కాల్పుల్లో ఒక మావోయిస్టు మరణించాడు. శుక్రవారం ఉదయం 11 గంటల ప్రాంతంలో ఈ ఎన్కౌంటర్ జరిగింది. పోలీసు స్టేషన్పై దాడికి నక్సలైట్లు ప్రయత్నిస్తున్నారని సమాచారం అందుకున్న తాము గాలింపు చర్యలు చేపట్టామని, తమకు సమావేశమైన నక్సలైట్లు తారసపడ్డారని, తమను చూసి నక్సలైట్లు కాల్పులు ప్రారంభించారని, దాంతో తాము ఎదురుకాల్పులు జరిపామని పోలీసులు చెప్పారు. ఈ ఎదురుకాల్పుల్లో ఒక నక్సలైటు మరణించినట్లు వారు తెలిపారు. సంఘటనాస్థలం నుంచి మందుగుండు సామగ్రిని స్వాధీనం చేసుకున్నట్లు పోలీసులు తెలిపారు.
Comments
Story first published: Friday, July 15, 2005, 23:53 [IST]