అలనాటి నటి శాంతకుమారి కన్నుమూత

చెన్నై: అలనాటి సినీ నటి, నేపథ్య గాయని శాంతాకుమారి మంగళవారం చెన్నైలో కన్నుమూశారు. గాయనిగా కన్నా నటిగానే ఆమెకు పేరు ప్రఖ్యాతులు ఎక్కువగా వచ్చాయి. శాంతాకుమారి అసలు పేరు సుబ్బమ్మ. సినిమాల్లో నటించడానికి ఆమె పేరు మార్చుకున్నారు. కడప జిల్లా ప్రొద్దుటూరుకు చెందిన శాంతాకుమారి సంగీతం నేర్చుకోవడానికి అప్పటి మద్రాసుకు వెళ్లి అక్కడే స్థిరపడిపోయారు.

ప్రముఖ దర్శక నిర్మాత పుల్లయ్యను ఆమె వివాహమాడారు. ఆమె నటించిన మొదటి చిత్రం శశిరేఖా పరిణయం. ఈ సినిమా 1936లో వచ్చింది. ఆమె పలు సినిమాల్లో నటించి ప్రేక్షకాదరణ పొందారు.