ఎన్టీఆర్‌ జాతీయ అవార్డు పునరుద్ధరణ

హైదరాబాద్‌: ఎన్టీఆర్‌ జాతీయ అవార్డును రాష్ట్ర ప్రభుత్వం పునరుద్ధరించింది. ఈ మేరకు ప్రభుత్వం రాష్ట్ర సమాచార శాఖకు ఆదేశాలు జారీ చేసింది. ఈ అవార్డు ప్రదానోత్సవం గత మూడేళ్లుగా నిలిచిపోయింది. దీనిపై సర్వత్రా విమర్శలు వస్తున్న నేపథ్యంలో ప్రభుత్వం ఆ అవార్డును పునరుద్ధరిస్తూ నిర్ణయం తీసుకుంది.

2003, 2004, 2005 సంవత్సరాల అవార్డులను ఒకేసారి ఇవ్వాలని ప్రభుత్వం నిర్ణయించింది. ఈ మూడు అవార్డులను ఆంధ్రప్రదేశ్‌ అవతరణ దినోత్సవాన్ని పురస్కరించుకుని నవంబర్‌ ఒకటవ తేదీన ప్రదానం చేయాలని ప్రభుత్వం నిర్ణయించింది.