రామసుబ్బారెడ్డి అప్పీల్‌పై డివిజన్‌ బెంచ్‌ భిన్నతీర్పు

హైదరాబాద్‌: షాద్‌నగర్‌ జంట హత్య కేసులో యావజ్జీవ కారాగార శిక్ష పడిన మాజీ మంత్రి, తెలుగుదేశం నాయకుడు రామసుబ్బారెడ్డి అప్పీలుపై హైకోర్టు డివిజన్‌ బెంచ్‌ బుధవారంనాడు భిన్న తీర్పును వెలువరించింది. రామసుబ్బారెడ్డిపై ఏ విధమైన సాక్ష్యాధారాలు లేవని డివిజన్‌ బెంచ్‌ న్యాయమూర్తుల్లో ఒకరు కింది కోర్టు తీర్పును కొట్టివేయగా, మరో న్యాయమూర్తి కింది కోర్టు తీర్పును సమర్థించారు.

డివిజన్‌ బెంచ్‌ భిన్న తీర్పు వల్ల కేసుకు సంబంధించిన పత్రాలను హైకోర్టు ప్రధాన న్యాయమూర్తికి సమర్పించారు. దీంతో ఈ కేసును మూడో బెంచ్‌కు లేదా ఫుల్‌ బెంచ్‌కు నివేదిస్తారు.