విజయవాడ కమీషనర్‌కు నెల జైలు శిక్ష

హైదరాబాద్‌: బందరు రోడ్డు విస్తరణలో నిబంధనలు ఉల్లంఘించిన కేసులో విజయవాడ నగర పాలక సంస్థ కమీషనర్‌ గుల్జార్‌కు హైకోర్టు జైలు శిక్ష విధించింది. ఈ కేసులో గుల్జార్‌కు నెల రోజుల జైలు శిక్ష, వేయి రూపాయల జరిమానా విధిస్తూ జస్టిస్‌ నర్సింహారెడ్డి శుక్రవారం తీర్పును వెలువరించారు. జరినామా చెల్లించని పక్షంలో మరో 15 రోజుల జైలు శిక్ష అనుభవించాల్సి వుంటుందని హైకోర్టు తెలియజేసింది. ఈ తీర్పుపై అప్పీలు చేసుకోవడానికి హైకోర్టు విజయవాడ కమీషనర్‌కు నెల రోజుల గడువు ఇచ్చింది.