వరంగల్‌ జిల్లాలో నలుగురు నక్సల్స్‌ హతం

వరంగల్‌: వరంగల్‌ జిల్లాలో జరిగిన ఎన్‌కౌంటర్‌లో నలుగురు ప్రజాప్రతిఘటన నక్సల్స్‌ హతమయ్యారు. వరంగల్‌ జిల్లా తాడ్వాయి మండలం కాటాపూర్‌ అడవుల్లో పోలీసులకు, నక్సల్స్‌కు మధ్య ఎన్‌కౌంటర్‌ జరిగింది. ఈ ఎన్‌కౌంటర్‌లో నలుగురు నక్సల్స్‌ మరణించినట్లు పోలీసులు చెప్పారు. మరణించినవారిలో ఒక మహిళ నక్సలైట్‌ కూడా ఉంది. సంఘటనా స్థలం నుంచి పోలీసులు నాలుగు తుపాకులు స్వాధీనం చేసుకున్నారు. మృతుల్లో ప్రజాప్రతిఘటన జిల్లా కార్యదర్శి యాదన్న ఉన్నట్లు అనుమానిస్తున్నారు.