వేగవంతమైన అలర్ట్స్ కోసం
For Daily Alerts
అక్రమాలపై ఇసి దృష్టి పెట్టాలి: రాఘవులు
వరంగల్: ఎన్నికల అక్రమాలపై ఎన్నికల కమీషన్ జోక్యం చేసుకుని చర్యలు తీసుకోవాలని సిపయం రాష్ట్ర కార్యదర్శి బి.వి. రాఘవులు డిమాండ్ చేశారు. రెండో విడత పోలింగ్లో అయినా అక్రమాలకు కళ్లెం వేయడానికి ఎన్నికల కమీషన్ చొరవ చూపాలని ఆయన శుక్రవారం మీడియా ప్రతినిధులతో అన్నారు. వరంగల్ జిల్లాలో ఆయన ఎన్నికల ప్రచారం నిర్వహించారు.
వరంగల్, ఖమ్మం జిల్లాల్లో తెలుగుదేశం, సిపియంల సర్దుబాట్లు సజావుగా సాగాయని, దీంతో ఈ రెండు జిల్లా పరిషత్లను కైవసం చేసుకుంటామని ఆయన అన్నారు. వరంగల్ జిల్లాలో తెలుగుదేశం, సిపియం చేతిలో కాంగ్రెస్, తెరాస కూటమి చిత్తు కావడం ఖాయమని ఆయన అన్నారు. రెండో విడత పోలింగ్ సందర్బంగా కాంగ్రెస్ మద్యం, డబ్బు విచ్చలవిడిగా పంపిణీ చేయడానికి సిద్ధపడుతోందని ఆయన ఆరోపించారు. అక్రమాలతో గెలవాలనే కాంగ్రెస్ ప్రయత్నాలను ప్రజలు సహించరని ఆయన అన్నారు.
Comments
Story first published: Friday, June 30, 2006, 23:53 [IST]