నాకు ప్రాణభయం ఉంది: కృషి కొసరాజు

హైదరాబాద్‌: తనకు ప్రాణభయం ఉందని డిపాజిటర్లను మోసగించిన కృషి బ్యాంక్‌ చైర్మన్‌ కొసరాజు వెంకటేశ్వరావు అన్నారు. తనకు ఏ పోలీసు అధికారి సహాయం కూడా అందలేని ఆయన అన్నారు. వెంకటేశ్వరరావు కనకవర్ష బ్యాంక్‌ లాకర్లను సిఐడి పోలీసులు బుధవారంనాడు తెరిచారు. సిఐడి అధికారులకు కీలకమైన పత్రాలు లభ్యమైనట్లు సమాచారం.

తాను డిపాజిటర్లను ఎవరినీ మోసం చేయబోనని, డిపాజిటర్లందరికీ న్యాయం చేస్తానని ఆయన చెప్పారు. విచారణ నిమిత్తం కొసరాజు వెంకటేశ్వరరావును సిఐడి అధికారులు తమ కస్టడీలోకి తీసుకున్న విషయం తెలిసిందే.