ఇ - మెయిల్‌ పంపిన యువకుడి అరెస్టు

భోపాల్‌: లష్కర్‌ - ఎ - తాహర్‌ పేరు మీద మీడియాకు ఇ - మెయిల్‌ పంపిన యువకుడ్ని పోలీసులు అరెస్టు చేశారు. ముంబాయి వరుస బాంబు పేలుళ్లకు పాల్పడింది తామేనంటూ లష్కర్‌ - ఎ - తాహర్‌ పేరు మీద ఆ యువకుడు మీడియాకు మెయిల్‌ పంపాడు. దీంతో భోపాల్‌లోని రిసాల్దార్‌ కాలనీలో నివస్తున్న ఆ యువకుడు సుమిత్‌ తమ్రాకర్‌ను అరెస్టు చేసినట్లు పోలీసు ఇన్‌స్పెక్టర్‌ జనరల్‌ సంజీవ్‌ కుమార్‌ సింగ్‌ చెప్పారు.

సంచనం కోసమే ఆ యువకుడు మీడియాకు ఇ - మెయిల్‌ పంపినట్లు ప్రాథమిక విచారణలో తేలింది. సుమిత్‌ మూడేళ్ల క్రితం 12వ తరగతి పూర్తి చేశాడు. అప్పటి నుంచి ఖాళీగానే వుంటున్నాడు. అయితే అతనికి ఏ విధమైన నేర చరిత్ర లేదని పోలీసులు చెప్పారు.