వేగవంతమైన అలర్ట్స్ కోసం
For Daily Alerts
జానా రాజీనామాకు నరేంద్ర డిమాండ్
హైదరాబాద్: హోం మంత్రి కె. జానారెడ్డి రాజీనామా చేయాలని తెలంగాణ రాష్ట్ర సమితి (తెరాస) అగ్రనేత, కేంద్ర మంత్రి ఎ. నరేంద్ర డిమాండ్ చేశారు. ఘోరమైన ఎన్కౌంటర్ జరిగితే జానారెడ్డి సినిమాలకు, షికార్లకు వెళ్తారా? అని ఆయన సోమవారం మీడియా ప్రతినిధుల సమావేశంలో ప్రశ్నించారు. రాష్ట్రంలో ఎంత మందిని చంపుతారు, ఎంత రక్తపాతం సృష్టిస్తారు? అని ఆయన అడిగారు.
ఎన్కౌంటర్ జరిగిందని తెలిసినా జానారెడ్డి సినిమాకు వెళ్లడం నీరో చక్రవర్తిలాగా ప్రవర్తించడమేనని ఆయన అన్నారు. నల్లమల ఎన్కౌంటర్తో పరిస్థితి ఆందోళనకరంగా మారిందని ఆయన అన్నారు. ఎన్కౌంటర్ నేపథ్యంలో పరిస్థితిని సమీక్షించడానికి ముఖ్యమంత్రి సమీక్షా సమావేశం ఏర్పాటు చేస్తే జానారెడ్డి ఆ సమావేశానికి హాజరు కాకపోవడం క్షమించరానిదని ఆయన అన్నారు.
Comments
Story first published: Monday, July 24, 2006, 23:53 [IST]