• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సోనియా పర్యటన వల్ల ఒరిగేదేమీ లేదు: బాబు

By Staff
|
అమలాపురం: కాంగ్రెస్‌ అధ్యక్షురాలు సోనియా గాంధీ వరద తాకిడి ప్రాంతాల్లో పర్యటించడం వల్ల ఒరిగేదేమీ లేదని మాజీ ముఖ్యమంత్రి, తెలుగుదేశం పార్టీ అధ్యక్షుడు నారా చంద్రబాబునాయుడు వ్యాఖ్యానించారు. సోనియా పర్యటనతో చంద్రబాబు అమలాపురం పర్యటన అర్థాంతరంగా ముగిసింది. అమలాపురంలోని సహాయ శిబిరాలను సందర్శించడానికి చంద్రబాబును అనుమతించలేదు. సోనియా పర్యటనతో ఆమె భద్రతా సిబ్బంది చంద్రబాబుకు అనుమతి నిరాకరించింది. దీని పట్ల చంద్రబాబు బుధవారం మీడియా ప్రతినిధుల సమావేశంలో తీవ్ర అభ్యంతరం తెలియజేశారు. తనను అనుమతించకపోవడాన్ని వివాదం చేయదలుచుకున్నానని ఆయన అన్నారు. ప్రభుత్వం తన వైఫల్యాలను కప్పిపుచ్చుకోవడానికే తనను అనుమతించలేదని ఆయన అన్నారు.

సోనియా గాంధీ పర్యటన మధ్యాహ్నం 12 గంటలకు ఉందని చెప్పారని, దాంతో తాను ఏడు గంటలకు సందర్శిస్తానని చెప్పానని, అయినా అంగీకరించలేదని, ఇది దురదృష్టకరమని ఆయన అన్నారు. ఒక పార్టీ అధ్యక్షురాలి పర్యటనతో మాజీ ముఖ్యమంత్రిని, ఒక పార్టీ అధ్యక్షుడిని అయిన తనను అనుమతించకపోవడం విచారకరమని ఆయన అన్నారు. పార్టీ అధ్యక్షురాలి పర్యటన వల్ల లాభం ఏమీ వుండదని, ప్రధాని, వ్యవసాయ శాఖ మంత్రి పర్యటిస్తే మేలు చేయడానికి వీలుంటుందని ఆయన అన్నారు. రాష్ట్రంలో వరదలు తీవ్రంగా వచ్చి రైతులు తీవ్ర ఇబ్బందుల్లో పడిన ఈ తరుణంలో రాష్ట్ర వ్యవసాయ శాఖ మంత్రి రఘువీరారెడ్డి ఆస్ట్రేలియా పర్యటనకు వెళ్లడం అభ్యంతరకరమని ఆయన అన్నారు. బాధితులకు సరిగా సహాయం అందడం లేదని ఆయన విమర్శించారు. సహాయాన్ని తగ్గించడాన్ని కూడా ఆయన అభ్యంతర పెట్టారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more