• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

610 జీవో అమలుపై కోర్టు ధిక్కారం: కెసిఆర్‌

By Staff
|
హైదరాబాద్‌: తెలంగాణ స్థానికులకు ఉద్యోగాల్లో జరిగిన అన్యాయాన్ని సరిదిద్దడానికి ఉద్దేశించిన 610 జీవోను అమలు చేయకపోవడంపై ప్రభుత్వం మీద కోర్టు ధిక్కారం కింద కేసు వేస్తామని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు చెప్పారు. 610 జీవో అమలుపై ముఖ్యమంత్రి డాక్టర్‌ వైయస్‌ రాజశేఖర రెడ్డి ప్రభుత్వానికి చిత్తశుద్ధి లేదని ఆయన ఆదివారం మీడియా ప్రతినిధుల సమావేశంలో విమర్శించారు. హైకోర్టు ఇచ్చిన తీర్పులను, శాసనసభలో ఇచ్చిన హామీలను, మంత్రివర్గ నిర్ణయాలను అమలు చేయని ప్రభుత్వం ఇంకేం చేస్తుందని ఆయన అడిగారు.

హైదరాబాద్‌ మెట్రోవాటర్‌ వర్క్స్‌లో స్థానికేతరులను తొలగించడానికి దసరా తెల్లారే చర్యలు చేపట్టాలని ఆయన ప్రభుత్వాన్ని డిమాండ్‌ చేశారు. 610 జీవోను అమలు చేయడానికి ప్రభుత్వం కుంటిసాకులు చెబుతోందని ఆయన అన్నారు. తెలంగాణ ఉద్యోగుల పట్ల ప్రభుత్వం వివక్ష ప్రదర్శిస్తోందని ఆయన విమర్శించారు. తెలంగాణ ఉద్యోగులు ప్రభుత్వంపై ప్రత్యక్ష పోరాటానికి సిద్ధం కావాలని ఆయన పిలుపునిచ్చారు. 610 జీవో అమలు కోసం తాము ధర్నాలు చేపడతామని, అప్పటికీ ప్రభుత్వం కదిలిరాకపోతే ఉద్యమాన్ని ఉధృతం చేస్తామని, సమస్యలపై కూడా తాము ఎప్పటికప్పుడు అందోళనలు చేపడతామని ఆయన చెప్పారు. మున్సిపాలిటీలకు నిధులను విడుదల చేయడంలో కూడా ప్రభుత్వం వివక్ష ప్రదర్శిస్తోందని ఆయన విమర్శించారు. తెలంగాణ ప్రజలు చైతన్యవంతులైతే ప్రభుత్వం మోకాలి మీద పడిచి వస్తుందని ఆయన అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more