జెస్సికాలాల్‌ కేసు: హర్యానా మంత్రి రాజీనామా

న్యూఢిల్లీ: హర్యానా విద్యుచ్ఛక్తి మంత్రి వినోద్‌ శర్మ తన మంత్రి పదవికి రాజీనామా చేశారు. తన రాజీనామా లేఖను ఆయన కాంగ్రెస్‌ అధ్యక్షురాలు సోనియా గాంధీకి అందజేశారు. వినోద్‌ శర్మ జెస్సికాలాల్‌ హత్య కేసులో ప్రధాన నిందితుడైన మనుశర్మ తండ్రి. తన కుమారుడు జెస్సికాలాల్‌ హత్య కేసులో నిందితుడైనందున వినోద్‌ శర్మ తన మంత్రి పదవికి రాజీనామా చేశారు.

తన కుమారుడు మనుశర్మ కేసులో తీర్పు వెలువడే వరకు తాను మంత్రిగా కొనసాగలేనని వినోద్‌ శర్మ తన రాజీనామా లేఖలో తెలియజేసినట్లు అఖిల భారత కాంగ్రెస్‌ కమిటీ (ఎఐసిసి) ప్రధాన కార్యదర్శి, హర్యానా కాంగ్రెస్‌ వ్యవహారాల ఇన్‌చార్జి జనార్దన్‌ ద్వివేది చెప్పారు.