ఆదిలాబాద్‌ ఎన్‌కౌంటర్‌లో మహిళా మావోయిస్టు మృతి

ఆదిలాబాద్‌: ఆదిలాబాద్‌ జిల్లా జన్నూరు అడవుల్లో శనివారం ఉదయం జరిగిన ఎదురుకాల్పుల్లో ఒక మహిళా మావోయిస్టు మృతి చెందారు. ఈ సంఘటనలో ఇద్దరు కానిస్టేబుళ్ళు తీవ్రంగా గాయపడ్డారు. గాయపడిన కానిస్టేబుళ్ళను హెలికాప్టర్‌లో హైదరాబాద్‌ నిమ్స్‌కు తరలించడానికి ఏర్పాట్లు జరుగుతున్నాయి. ముఖ్యమంత్రి రాజశేఖరరెడ్డి ఆదిలాబాద్‌ పర్యటనలో ఉండగా ఈ సంఘటన జరగడంతో జిల్లా పోలీసు ఉన్నతాధికారులు అప్రమత్తమయ్యారు.