వారంరోజుల్లో పిసిసి నేత ఎంపిక: దిగ్విజయ్

న్యూఢిల్లీ:వారం రోజుల్లో ప్రదేశ్ కాంగ్రెస్ కమిటీ(పిసిసి) అధ్యక్షుణ్ణి ఎంపిక చేస్తామని రాష్ట్ర కాంగ్రెస్ వ్యవహారాల ఇంఛార్జీ దిగ్విజయ్ సింగ్ ప్రకటించారు. రాష్ట్ర ఎంపీ కావూరి సాంబశివరావు దిగ్విజయ్ సింగ్ ను కలిసిన నేపథ్యంలో ఆయన ఆ విషయాన్ని తెలిపారు. పిసిసి నేత ఎంపికలో సమర్థతనే పరిగణనలోకి తీసుకోవాలి తప్ప ప్రాంతం, కులంను పరిగణనలోకి తీసుకోవద్దని ఆయన దిగ్విజయ్ ను కోరారు.

ఈ సందర్భంగా దిగ్విజయ్ సింగ్ మాట్లాడుతూ పిసిసి మాజీ అధ్యక్షుడు కె.కేశవరావుకు ఆయన కొడుకుపై వచ్చే తీర్పుకు ఎలాంటి సంబంధంలేదని ఆయన ఈ సందర్భంగా అన్నారు. కెకె సేవలను పార్టీ అవసరాల కోసం ఉపయోగించుకుంటామని ఆయన స్పష్టంచేశాడు.