బాలాపూర్ గణేశుడి లడ్డు ధర రు. 4.15 లక్షలు

హైదరాబాద్: హైదరాబాద్ సమీపంలోని బాలాపూర్ వినాయకుడి లడ్డు 4 లక్షల 15 వేల రూపాయలు పలికింది. ఈ లడ్డు యేటా వేలం వేయడం సంప్రదాయంగా వస్తోంది. ఈ లడ్డు ఈ ఏడాది ఒక భక్తుడు 4 లక్షల 15 వేల రూపాయలకు వేలం పాటలో కొనుక్కున్నాడు.

ఈ వేలం పాట కార్యక్రమంలో తెలంగాణ రాష్ట్ర సమితి (ఎన్) అధ్యక్షుడు ఎ. నరేంద్ర కూడా పాల్గొన్నారు. బాలాపూర్ వినాయకుడి లడ్డును గ్రామ మాజీ సర్పంచ్ రఘునాథాచారి సొంత చేసుకున్నారు. నిరుడు ఈ లడ్డు 3 లక్షల రూపాయల ధర పలికింది. హిమాయత్ నగరులోని వినాయకుడి లడ్డు 2 లక్షల రూపాయల పైచిలుకు ధర పలికింది. వేలం అనంతరం బాలాపూర్ వినాయకుడు వినాయక్ సాగరులో నిమజ్జనం కోసం బయలుదేరింది.