పేదల కోసమే నా జీవితం: చంద్రబాబు

నా రక్తంలో చివరి రక్తపు బొట్టు ఉన్నంతవరకు పేదల అభ్యున్నతి కోసమే పనిచేస్తానని మాజీ ముఖ్యమంత్రి, తెలుగుదేశం అధినేత నారా చంద్రబాబు నాయుడు అన్నారు. వరంగల్ జిల్లాలో పర్యటిస్తున్న చంద్రబాబు నాయుడు మాట్లాడుతూ ముఖ్యమంత్రి వైయస్ రాజశేఖర్ రెడ్డి అవినీతికి హద్దులేకుండా పోతోందని వాపోయారు. అధికారంలోకి వస్తే పేదల అభ్యున్నతి కోసం తీవ్రంగా కృషి చేస్తానని అన్నారు. ప్రత్యేక తెలంగాణా విషయంలో సరైన సమయంలో తమ పార్టీ నిర్ణయాన్ని ప్రకటిస్తామని చెప్పారు. కాంగ్రెస్ ప్రభుత్వం నిర్మిస్తున్న ప్రాజెక్టులలో నెలకొన్న అవినీతిని ఎండగట్టడానికే తాను ఈ పర్యటనలు జరుపుతున్నానని చంద్రబాబు అన్నారు.