శిబూసొరేన్‌ ఓటమి..మళ్ళీ సంక్షోభం

జార్ఖండ్‌: జార్ఖండ్‌లో మళ్లీ రాజకీయ సంక్షోభం ఏర్పడింది. జార్ఖండ్‌ ముక్తి మోర్చా అధ్యక్షుడు శిబూసొరేన్‌ ఉప ఎన్నికలో ఓటమిపాలయ్యారు. సోరెన్‌పై రాజపీటర్‌ (జార్ఖండ్‌ పార్టీ) 9వేల ఓట్ల మెజార్టీతో విజయం సాధించారు. దీంతో సోరెన్‌ ముఖ్యమంత్రి పదవికి రాజీనామా చేయాల్సి వచ్చింది. ముఖ్యమంత్రి, తమండ్‌ నియోజకవర్గ ఉప ఎన్నికల్లో ఆయన పోటీచేశారు. ఈరోజు ఓట్ల లెక్కింపు జరిగింది. ప్రారంభంనుంచి ప్రతిరౌండ్‌లోను ఆయన వెనుకబడ్డారు. చివరకు 9వేల ఓట్ల తేడాతో పరాజయం పాలయ్యారు. జార్ఖండ్‌ పార్టీ అభ్యర్థిపై విజయం సాధించారు.

ఆగస్టు 27న మధుకోడా స్థానంలో జార్ఖండ్‌ ముఖ్యమంత్రిగా బాధ్యతలు చేపట్టారు. ముఖ్యమంత్రి బాధ్యతలు చేపట్టిన ఆరు నెలల్లోపు శాసన సభ సభ్యుడిగా ఎన్నిక కావల్సి ఉంది. అయితే ఉపఎన్నికల్లో సోరెన్‌ ఓడిపోయారు. మావోయిస్టుల చేతిలో తమండ్‌ ఎమ్మెల్యే రమేష్‌సింగ్‌ ముండా హత్యకు గురికావడంతో ఈ ఉప ఎన్నిక జరిగింది. తాజా సంఘటనతో శిబూసోరెన్‌తో పాటు మధుకోడాలు ఢిల్లీ పయనం అయ్యారు.